NÚTÍMA – orkuaukandi TÆKNI –

Hómópatía er svokölluð orkuaukandi tækni. Hún hefur ekki notið sannmælis vísinda-manna í nútíma læknisfræði fyrir það að í remedíuupplausninni sé ekkert efni en það er ekki efnið sjálft sem gerir gagnið heldur eru það rafrænu áhrif upplausnarinnar. Virkni hómópatískra remedía er ekki hægt að sanna á efnissviðinu eingöngu. Um tíðni er að ræða, upplýsingar með engum efnum eða mólekúlum í. Það var franski prófessorinn Jacques Benveniste sem gerði uppgötvun um rafsegulminni vatns og byggði á því að ef vatn í gleríláti var sett í rafsegulsvið á ákveðinni tíðni og síðan mælt með mjög næmum mælitækjum kom í ljós að vatnið mundi tíðnina. Minnið gat varað í allt að tvo mánuði svo framarlega að ekkert annað rafsegulsvið hefði áhrif. Þessa uppgötvun Benveniste hafa menn notað til að vinna gegn hverslags ofnæmi og var þá fólki með ofnæmi gefið vatn sem hafði verið rafsegul-magnað á tíðni sem virkaði róandi á ofnæmi þess og fólkið fékk bata. Þá voru gerðar tilraunir með að vekja efnisofnæmi í sjúklingum, mæla síðan rafbylgjurnar sem líkami þeirra gaf frá sér og gefa þeim svo samsvarandi tíðni en þó 180 gráður út úr fasa við líkamsbylgjurnar og við það löguðust ofnæmiseinkennin.

Rannsóknir Benveniste sýndu líka að allt efni gefur frá sér rafbylgjur á mismunandi tíðni háð efnissamsetningu og hafa hómópatar notfært sér þá vitneskju með því að geisla vatn með tíðni ákveðinna efna og gefið fólki með undraverðum árangri.

Það er því alveg ljóst að við stöndum á þröskuldi nýrra tíma í eðlis- og efnafræði og Cyril Smith hefur gert mjög áhrifamiklar rannsóknir á sambandinu milli lífsorkunnar og rafsegulfræðinnar og bók hans Rafsegulsviðs-maðurinn sýnir hið eðlislæga rafnæmi okkar. Cyril Smith hefur rannsakað hómópatíu og sýnir fram á að frumustarfsemi, efnafræði líkamans og líkamsrafsegulfræði getur litið út fyrir að vera samtengd.

LÍF=RAFMAGN! Vitalismi versus mekanismi

Richard Gerber telur að bylgjuhreyfingin sem er að baki allri sköpun sé orkan sem Einstein jafnaði við efnið en fer lengra með því að tengja það sjónarmið lækningum. Hann segir manninn vera orkuvef sem tengist líkamanum og frumum hans. Gerber læknir heldur að ný kynslóð lækna og heilara sé að koma fram (1993) fólk sem notfærir sér orku til að hafa áhrif á orkukerfi mannsins. Þessa lækningaaðferð kallar hann “bylgju-lækningar”. Hér er um að ræða grasalækningar, rafmagnsmeðferð hómópatalækningar, nálastungulækningar og ýmsar meðferðarlækningar. Gerber hefur sýnt fram á hvernig lækningar nú til dags og til forna byggðust á orku eingöngu með góðum árangri. Gerber telur að vísindamenn framtíðarinnar muni verða þjálfaðir til að rannsaka gaumgæfilega orkukerfi mannslíkamans. Ennfremur sér Gerber að bylgjulækningar muni varða veginn til samruna vísinda og trúar: Með hækkandi orkutíðni fara menn að viðurkenna tengsl okkar við þessi orkukerfi og mun það óhjákvæmilega leiða til samruna trúar og vísinda, þar sem vísindamenn munu fara að viðurkenna andlegar víddir mannsins …” Eftir því sem við skiljum betur orkukerfið í okkur sjálfum og náttúrunni þeim mun meiri verður skilningur okkar á vegum guðs. Að öllum líkindum mun það sem þykir kraftaverk nú á dögum þykja fullkomlega eðlilegt þegar menn hafa þróað duleðlisfræðina og aukið þekkingu sína á lítt þekktum víddum. (JÁ tók saman – Heimildir: COH, Gangleri, Vitalis).

Ein athugasemd á “NÚTÍMA – orkuaukandi TÆKNI –

Færðu inn athugasemd

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s